| Raoul De Godewarsvelde lyrics
Le p'tit quinquin lyrics
Dors min p'tit Quiquin, min p'tit pouchin, min gros rogin
Te m'feras du chagrin, si te'n'dors point ch'qu'à d'main
Ainsi l'aute jour eune pauf' dintelière, in amiclotant sin p'tit garchon,
Qui d'pis tros quarts d'heures n'faijot que d'braire, tâchot d'l'indormir par eune canchon,
Elle li dijot "min narcisse, d'main t'aras du pain d'épice,
Du chuques à gogo, si qu't'es sache et qu'te fais dodo."
Dors min p'tit Quiquin, min p'tit pouchin, min gros rogin
Te m'feras du chagrin, si te'n'dors point ch'qu'à d'main
Nous irons dins l'cour, Jeannette-à-Vaques, vir les marionnettes comme te riras
Quind t'indindras dire un doupe pou Jacques, par l'porichinelle qui parle maga
Té li mettras dins s'menottes, au lieu d'doupes un rond d'carrottes
Il t'dira merci, parce comme nous arot du plaisi !
Dors min p'tit Quiquin, min p'tit pouchin, min gros rogin
Te m'feras du chagrin, si te'n'dors point ch'qu'à d'main
Alors serre tes yux, dors min bonhomme, j'vas dire eun'prière à p'tit Jésus,
Pou qu'i vienne ichi, pindint tin somme, t'faire rêver qu'j'ai les mains pleines d'écus,
Pou qu'i t'apporte eune coquile, avec du chirop qui quile
Tout l'long d'tin minton, t'eut'pourléqueras tros heures du long
Dors min p'tit Quiquin, min p'tit pouchin, min gros rogin
Te m'feras du chagrin, si te'n'dors point ch'qu'à d'main
Other Raoul De Godewarsvelde lyrics:
In ar'venant d'marquette lyrics
L'carrette à quiens lyrics
La zizique à papa lyrics
Perd pas l'nord lyrics
Quand la mer monte lyrics
Si j'avos su, j'aros resté garchon lyrics
| |